Operacioni i SPAK këtë të martë është shtrirë edhe në zonën e Shkozetit, ku janë kryer kontrolle në ambiente të lidhura me familjen Troplini.
Sipas raportimeve, kontrollet janë zhvilluar në bazën e Xhevdet Troplinit, i njohur si “Poja”, si dhe në banesën e nipit të tij, Elvis Doçi, i njohur me nofkën “Visi i Pojës”. Doçi rezulton person në kërkim nga SPAK në kuadër të hetimeve për grup kriminal.
Veprimet e sotme janë pjesë e një operacioni më të gjerë të Prokurorisë së Posaçme, i cili ka prekur edhe zyrtarë të lartë të institucioneve të sigurisë.
Në kuadër të të njëjtit operacion, GJKKO ka caktuar masën “arrest në shtëpi” për drejtuesen e SHISH, Vlora Hyseni, ndërsa janë kryer kontrolle edhe në banesën e ish-drejtorit të Përgjithshëm të Policisë së Shtetit, Ilir Proda.
Operacioni vijon, ndërsa pritet që SPAK të japë më shumë detaje mbi personat dhe provat që janë në fokus të hetimit.
