Gjykata e Tiranës ka shpallur fajtorë dy ish-punonjës të Agjencisë së Mbikëqyrjes Policore, Artjol Saliasi dhe Gëzim Sala, për veprën penale të shpërdorimit të detyrës, lidhur me procedurën e punësimit të Muçi Shaljanit në këtë institucion.
Dy ish-zyrtarët u dënuan fillimisht me nga 9 muaj burg, por për shkak të gjykimit të shkurtuar, masa e dënimit u reduktua me një të tretën, duke u përfunduar në 6 muaj heqje lirie për secilin.
Sipas hetimeve, Saliasi dhe Sala nuk kanë respektuar procedurat ligjore gjatë rekrutimit të Shaljanit në AMP. Prokuroria ka pretenduar se, pavarësisht detyrës që mbante në institucion, ai kishte kontakte me persona të përfshirë në veprimtari kriminale.
Muçi Shaljani u vra në atentatin e rëndë në aeroportin e Rinasit, ku mbeti viktimë edhe Gilmando Dani. Ngjarja mafioze vijon të jetë ende pa autorë të identifikuar, ndërsa hetimet për zbardhjen e saj vazhdojnë
