Dhjetëra protestues janë mbledhur sërish këtë të enjte para godinës së Kuvendit, duke vijuar protestat kundër qeverisë Rama.
Gjatë tubimit, protestuesit kanë hedhur akuza ndaj mazhorancës dhe kanë kërkuar largimin e kryeministrit, ndërsa në kor janë dëgjuar thirrje si: “Hajduta!”, “Qeveri e krimit!” dhe “Ramoviç, o tradhtar, jep dorëheqjen sa më parë!”.
Ndërkohë, edhe këtë herë policia ka marrë masa sigurie në zonën përreth Parlamentit. Akset kryesore që të çojnë drejt Kuvendit janë rrethuar me gardhe metalike, duke kufizuar lëvizjen në zonë.
Tubimi i sotëm shënon ditën e 110-të të protestave antiqeveritare, të cilat vijojnë prej muajsh me kërkesa të drejtuara kundër qeverisë dhe kryeministrit Edi Rama.
