Kryeministri Rama ka vijuar betejën që ka nisur prej arrestimit të Erion Veliajt me Prokurorinë e Posaçme. Këtë herë sulmet ndaj SPAK-ut u drejtuan për 24 masat e sigurisë që prokuroria dhe për stafin e UBT, pas abuzimeve me 9 tendera.
Rama tha se 24 masa sigurie u dhanë nga SPAK si prokuroria e Antimafias, njëjtë si ndonjë aksion në fshatin e Corleones. Ndër të tjera, kryeministri u shfaq i revoltuar edhe për sekuestron e telefonit që i është bërë Fatbardh Sallakut, rektorit të Bujqësorit.
“Nuk është rasti që jemi problem për komunitetin e torturës. Nuk mund të jemi krenar për këtë. Më mirë 10 të fajshëm jashtë se 1 i pafajshëm në burg. Drejtësia nuk mund t’i bjerë më qafë askujt pa lidhje. Të marrësh 24 masa sigurie, të tronditësh një universitet të tërë dhe t’i japësh një shqelm një marrëveshje të bërë. Kam shkuar unë si lyps te shkallët e universitet të Bokus. Më tha je i pari kryeministër që vjen këtu, ju luta hajdeni në Shqipëri të bëjmë një universitet austriak. Sot ai zotëria që ishte rektor punon për universitetin tonë.
Në Kamëz do bëhet universiteti i Vjenës. Si i shpjegohet austriakëve që merren 24 masa për barburgim a thua se u fut në fshatin e Corleones. Këto i bën prokuroria antimafia në Itali.
Dy vjet ka ai që e ka lënë telefonin në SPAK, nuk është fare person nën hetim. E dëgjuat që i kanë dhënë dhe letrën që vazhdo, mund të kandidosh edhe për rektor. Në fund mund të jetë dhe ai që të dalë fajtor, unë nuk e di fare, por ne në këtë republikë nuk mund të nisemi nga ideja se çdo person është i fajshëm dhe do t’i duhet të provojë pafajësinë e vet”, u shpreh Rama.
