Modelja shqiptare Linda Avdo po përfaqëson San Marinon në konkursin ndërkombëtar të bukurisë “The Miss Globe 2026”, që këtë vit po zhvillohet në Phuket të Tajlandës.
Rrugëtimi i saj në këtë kompeticion vjen pas pjesëmarrjes në spektaklin “Miss Shqipëria”, ku ajo u vlerësua me çmimin “Miss Bikini 2026”.
Më pas, Linda mori të drejtën për të përfaqësuar San Marinon në garën ndërkombëtare, duke mbajtur titullin “The Miss Globe San Marino 2026”.
Përveç modelingut dhe pasionit për pasarelat, Avdo ka edhe një tjetër interes: sportin. Sipas profileve të saj në rrjetet sociale, ajo është e apasionuar pas futbollit.
Në këtë edicion të “The Miss Globe”, modelja shqiptare garon mes përfaqësueseve nga dhjetëra vende të botës.
Kështu, Linda Avdo bëhet një tjetër emër shqiptar që ngjitet në skenën ndërkombëtare të konkurseve të bukurisë, këtë herë nën përfaqësimin e San Marinos.
