Pamje të tensionuara janë regjistruar në Rrugën e Durrësit në Tiranë, ku efektivë të Policisë kanë ndjekur me vrap disa të rinj që po merrnin pjesë në protestë.
Sipas pamjeve nga vendngjarja, pjesa më e madhe e të rinjve janë gjimnazistë, mes tyre edhe të mitur. Disa prej tyre janë rrëzuar dhe shtrirë në tokë nga efektivët, të cilët i kanë goditur, ndërsa të tjerë janë tërhequr zvarrë gjatë ndërhyrjes policore.
Ngjarja vjen në një moment kur protesta e studentëve dhe të rinjve në Tiranë është përshkallëzuar, me Policinë që ka përdorur edhe gaz lotsjellës për shpërndarjen e turmës pranë Ministrisë së Arsimit.
