Bordi i Transparencës ka përcaktuar çmimet e reja të shitjes së naftës dhe benzinës në Shqipëri. Sipas vendimit të datës 10 tetor 2026, nafta do të shitet me pakicë jo më shumë se 211 lekë për litër, ndërsa benzina me një çmim maksimal prej 195 lekësh për litër.
Sipas njoftimit zyrtar, çmimi i shitjes me shumicë për naftën është përcaktuar në jo më shumë se 199 lekë për litër, ndërsa për benzinën në jo më shumë se 183 lekë për litër.
Çmimet e reja hyjnë në fuqi sot, më 10 tetor, në orën 12:30, dhe do të mbeten të vlefshme deri në mbledhjen e ardhshme të Bordit të Transparencës, kur do të shqyrtohen ndryshimet e mundshme.
