Violand Braçellari, 43-vjeçari nga Loazhani që vrau me automatik punonjësin e policisë së Korçës, Enea Mekolli dhe plagosi kolegun e tij, Edison Adri, mësohet të ketë përdorur plumba automatiku blindshpues.
I kërkuari ka përdor armatim dhe municion të rëndë, ndaj ka neutralizuar shumë shpejt dy punonjësit e policisë, ku njëri prej tyre, Enea Mekolli, ka pësuar 5 plagë, tre në trup, një në kokë dhe një në këmbë.
Tre goditjet në trup, kanë sjellë çarjen e jelekut antiplumb. Gjatë sekuestrimit të armës automatike është konstatuar se municioni i fishekëve që kishte përdorur, Violand Braçellari, i përkiste blindshpuesve.
Violand Braçellari, njihej në zonë si person me rrezikshmëri të lartë, pasi i kishte shpëtuar disa herë arrestimit nga policia. Ai kudo që shkonte në stallën e tij, me vete mbante armën e zjarrit, duke sjellë reagimin e menjëhershëm.
Aktualisht prokuroria e Korçës, ka nisur hetimet ndaj Violand Braçellarit për akuzën e “Vrasjes për shkak të cilësive të veçantë” ndaj punonjësit të Policisë dhe “Vrasjes për sgkak të cilësive të veçantë ndaj punonjësit të policisë” mbetur në tentativë, si dhe “Mbajtjes pa lejë të armëve të zjarrit dhe municionit”, Kundërshtimme armë ndaj punonjësve të Policisë së Shtetit.
Për të gjitha këto akuza Braçellari rrezikon një dënim me burgim të përjetshëm.
Ndërkohë pritet që lidhur me këtë çështje është hapur dhe një hetim për “Shpërdorim detyre”, për të kryer verifikime mbi rolin drejtues dhe zbatues të titullarëve të policisë së Korçës në këtë aksion.
Për këtë çështje do pyeten disa punonjës policie, mes të cilëve dhe Drejtori i Korçës, Vilson Bala dhe nëndrejtori i policisë së Korçës, Eduart Allushi, nëse ata kanë paturr informacione operative se Braçelari ishte një person me rrezikshmëri.
Violand Braçelari, deklaronte në fshatin Lozhan se nese do ti vinte policia do ti qellonte, gjë e cila tregon se ai përbënte rrezikshmëri të lartë.
Pyetja kryesore që shtrohet në këtë çështje, është pse me mjetin e paëe u lanë efektivet dhe nuk shkuan drejtuesit dhe me pas të ishin këta që duhet të prisnin efektivat duke krijuar dhe një analizë risku të momentit.
Pse në vijën e parë nuk hyri drejtori dhe zv drejtori, shefi i komisariatit kjo gjithmonë kur këta nuk kanë pasur të dhëna për rezikshmëri në lidhje me Braçellarin, por kjo gjë ju la vartësve në dorë.
Ndërkohë një pyetje tjetër që shtrohet në këtë çështje, është fakti se pse kur u bë rrethimi i plotë nuk u instruktuan policat që të ruanin distancë dhe të bënin thirje për dorëzim?/ Elton Qyno-Syri.net
