Një 22-vjeçar ka mbetur i plagosur me thikë pas një konflikti të ndodhur në lagjen Grumbullimi në Fushë-Krujë.
Sipas informacioneve paraprake, një sherr për motive banale ka degraduar në përdorimin e mjetit prerës, ku i plagosur ka mbetur 22-vjeçari me inicialet M.K., banor i kësaj lagjeje. Ai dyshohet se është goditur me thikë nga një i ri, gjithashtu banor i zonës.
I riu është transportuar fillimisht për ndihmë mjekësore dhe më pas është dërguar në Spitalin e Traumës në Tiranë për trajtim më të specializuar.
Deri më tani nuk ka informacion zyrtar mbi gjendjen e tij shëndetësore, ndërsa policia po punon për zbardhjen e rrethanave të ngjarjes dhe identifikimin e autorit.
