Një person është paraqitur i plagosur me armë zjarri në urgjencën e Spitalit Rajonal të Lezhës.
Mësohet se bëhet fjalë për një të ri, i cili ka marrë disa plagë dhe, për shkak të gjendjes së tij, pritet të transportohet drejt Spitalit të Traumës në Tiranë për trajtim të specializuar.
Ende nuk dihen rrethanat e ngjarjes, ndërsa nuk është bërë i ditur as identiteti i të riut.
Policia ka nisur verifikimet për zbardhjen e plotë të rastit.
