Detaje të reja raportohen lidhur me ngjarjen e rëndë të ndodhur në burgun e Peqinit, atje ku një prej të dënuarve me burgim të përjeshtëm, Arben Lleshi, u ekzekutua në ajrim, nga një tjetër i dënuar përjetë, Sokol Mjacaj.
Si pasojë e të shtënave ka mbetur i plagosur në këmbë Indrit Shqja, edhe ky i dënuar me burgim të përjetshëm.
Pak përpara ngjarjes, ministri i Drejtësisë, Ulsi Manja, njoftonte se i dënuari Mjacaj do të futej në regjimin 41bis për shkak të problemeve që kishte krijuar në vendin ku vuante dënimin.
Nga të dhënat e para dyshohet se arma në burg është future përmes një droni, por njuk dihet koha se kur mund të ketë ndodhur ky veprim. Gjithashtu po hetohet edhe pista tjetër që arma mund të jetë future në mjediset e brendshme nga një prej punonjësve të burgut.
Nga të dhënat e para dyshohet se krimi po hetohet si një vrasje e porositur nga jashtë burgut, pasi mes dy të dënuarve nuk ka pasur përplasje apo konflikte të mëparshme.
Viktima Arben Lleshi ishte dënuar për vrasjen e një bashkëatdhetari të tij në Britaninë e Madhe. Kjo është një nga pistat që po hetohet nga grupi hetimor, duke e lidhur ngjarjen e sotme si një vrasje të porositur ose për hakmarrje, ose si rezultat i përplasjes mes grupeve kriminale që operonin në trafikun e drogës në territorin e Britanisë së Madhe.
Detaje të reja janë mësuar nga ngjarja e rëndë e ndodhur në burgun e Peqinit pas përplasjes mes 3 të dënuarve me burgim të përjetshëm. Dyshohet se Sokol Mjacaj është paguar nga persona të tjerë për të ekzekutuar një person.
Ndërsa konflikti dyshohet të ketë ndodhur në kuzhinën e burgut të Peqinit. Gjithcka ka ndodhur e përpiluar deri në detaje, për marrjen e pistoletës.
Nuk dihet ende nëse ai është ngutur për të kryer një veprim të tillë kur ministria e Dretjësisë vendosi dërgimin e tij në regjimin “41 bis”.
