Dy persona janë arrestuar nga Policia e Shkodrës, ndërsa një tjetër është shpallur në kërkim, pas një konflikti me armë zjarri të ndodhur mbrëmjen e 25 qershorit në lagjen “Tre Heronjtë”.
Si pasojë e të shtënave janë dëmtuar porta e oborrit të banesës së 63-vjeçarit, si dhe një automjet i parkuar brenda oborrit.
Gjatë kontrolleve, efektivët gjetën në banesën e Ndoc Lufit një armë zjarri kallashnikov, e dyshuar se është përdorur gjatë konfliktit. Ndërkohë, në banesën e peronit tjetër u sekuestruan municion luftarak dhe katër kallëpe me lëndë të dyshuar plasëse tritol.
Në vijim të hetimeve, Policia shpalli në kërkim një 26 vjeçar, banues në Shkodër, i cili dyshohet se ka qenë i pranishëm gjatë konfliktit, por nuk e ka kallëzuar ngjarjen.








