Gazetari Ferdinand Dervishi ka ndarë në adresën e tij në Facebook, momentin e sherrit të dhunshëm në Shkodër disa ditë më parë, që përfshiu disa të rinj.
Rreth 15 të rinj, të ndarë në dy grupe, kryesisht 17–18 vjeç, u konfliktuan fillimisht me grushte dhe më pas me sende të forta, ndërsa gjatë përleshjes është përdorur edhe armë e ftohtë thikë.
Si pasojë, tre adoleshentë mbetën të dëmtuar lehtë dhe u transportuan në spitalin rajonal të Shkodrës, ku morën ndihmën mjekësore dhe tashmë ndodhen jashtë rrezikut për jetën.
Gazetari shkruan se këta janë brezat e rinjë që po fabrikon shoqëria jonë. Dervishi në këtë video ndan dy momente që i kanë bërë më shumë përshtypje:
Nxënësit e papërfshirë në betejë, shprehin kënaqësi, shijojnë shfaqjen dhe momenti kur pasi e shembin kundërshtarin përtokë, njëri i shtyp kokën me këmbë
POSTIMI I PLOTË
Brezat e rinj që po fabrikon shoqëria jonë
Kjo video ka një vrasje në tentativë brenda.
E ndodhur pranë shkollave, e konsumuar nga nxënës, më bëjnë përshtypje dy momente.
1- Nxënësit e papërfshirë në betejë, shprehin kënaqësi, shijojnë shfaqjen.
2- Momenti kur pasi e shembin kundërshtarin përtokë, njëri i shtyp kokën me këmbë. Është ekstrem i hakmarrjes. Është më e keqja e mendjes njerëzore. Është tentativë vrasjeje.
