Gjykata e Lezhës ka rrëzuar kërkesën e Prokurorisë për pushimin e çështjes që lidhet me ndërtimin dhe funksionimin e katër hidrocentraleve në Kaçinar të Mirditës.
Vendimi vjen pas një përpjekjeje të mëparshme për mbylljen e çështjes në vitin 2020, si dhe një përplasjeje të gjatë mes institucioneve lidhur me këtë projekt.
Çështja është iniciuar nga banorët e Kaçinarit, të cilët pretendojnë se hidrocentralet u kanë dëmtuar pronat dhe kanë cenuar burimet ujore të zonës.
Pas vendimit të Gjykatës, Prokuroria pritet të vijojë hetimet, duke u përqendruar edhe te institucionet shtetërore që kanë miratuar lejet për kompaninë “Shpërdhaza-Energji”, me administrator Fatjon Hoxha.
