Policia e Shtetit ka përfunduar procesin e emërimeve për drejtimin e disa drejtorive vendore në vend, duke bërë ndryshime dhe rrokada në strukturat drejtuese nga veriu në jug të Shqipërisë.
Sipas njoftimit zyrtar, janë shpallur fituesit e konkurrimit për drejtor qarku dhe janë kryer një sërë emërimesh të reja në pozicione drejtuese.
Në Kukës, në krye të Drejtorisë Vendore të Policisë është emëruar Drejtues Ardrit Elmazi, ndërsa në Shkodër drejtimin e policisë vendore do ta marrë Drejtues Dashamir Spaho. Në Dibër është emëruar Drejtues i Parë Xhevahir Karaj.
Ndërkohë, Drejtues Armir Gjikolaj, i cili ka drejtuar më parë Policinë e Dibrës, është emëruar në krye të Qendrës së Mbyllur të të Huajve, pas dorëheqjes së tij nga detyra e mëparshme.
Në nivel komisariatesh dhe strukturash të tjera, Kryekomisar Idris Daulle është emëruar Zëvendësdrejtor për Sigurinë Publike në Drejtorinë Vendore të Policisë Durrës.
Në Shkodër, Kryekomisar Erion Duma është emëruar Shef i Komisariatit të Policisë, ndërsa Komisar Klodjan Çeka do të drejtojë Komisariatin e Malësisë së Madhe.
Në Lezhë, Komisar Sokol Myrta është emëruar Shef i Komisariatit të Policisë Mirditë
