Një rast i rëndë i dyshuar i neglizhencës ndaj fëmijës po hetohet nga autoritetet në Qipro, pasi një vajzë 11-vjeçare dyshohet se është lënë vetëm në banesë për dy ditë, ndërsa babai i saj kishte udhëtuar jashtë vendit.
Policia u njoftua mbrëmjen e së enjtes dhe shkoi në banesën e familjes, ku gjeti të miturën të vetme dhe pa praninë e një personi të rritur.
Gjatë komunikimit me efektivët, 11-vjeçarja dyshohet se ka deklaruar se babai i saj ndodhej jashtë vendit prej dy ditësh, pasi kishte udhëtuar për të ndjekur një ndeshje futbolli.
Sipas informacioneve që po verifikohen nga autoritetet qipriote, babai kishte ardhur në Shqipëri për të ndjekur përballjen mes Paphos FC dhe Dynamo City, e zhvilluar në Elbasan në kuadër të eliminatoreve të Ligës së Konferencës së UEFA-s.
Paphos FC kishte organizuar edhe një udhëtim për tifozët e saj, me nisje nga Paphos më 19 gusht, në kuadër të ndeshjes së zhvilluar në Shqipëri
