Ilirjan Celibashi, kreu i KQZ, i la afat deri të hënën për regjistrimin në zgjedhjet parlamentare të 11 majit, partisë së Lulzim Basha, Demokratë Euroatlantikë
Sipas Celibashit, kjo parti ka probleme juridike pasi kërkesa është dorëzuar me kryetar Endri Hasën si Koalicioni Euroatlantik, duke e huazuar nga një tjetër parti.
Duke qenë se afati i regjistrimit e partive në KQZ përfundoi mesnatën 25 shkurtit përfaqësuesit e Bashës kanë kërkuar kohë deri të hënën që të paraqiten me dokumentet që duhen.
“E kemi të pamundur të sjellim vendim të formës së prerë. Na prisni deri të hënën. Afatet u përshpejtuan dhe ne kemi nevojë për kohë”, thanë përfaqësuesit e Koalicionit Euroatlantik.
