Arben Kola, një nga organizatorët e protestës së zhvilluar në Tiranë, është liruar nga ambientet e Komisariatit nr. 1, disa orë pas shoqërimit të tij nga Policia gjatë tubimit.
Pas daljes nga komisariati, Kola foli për mediat duke deklaruar se shoqërimi i tij ndodhi teksa po artikulonte thirrjet e protestës.
“Thjesht po bëja thirrjet tona të zakonshme. Thirrjet ishin: ‘Ju me gaz, ne me vezë’, ‘Edi Rama i pabesë’. Si duket u bënë xhelozë”, u shpreh Kola.
Ai tha se gjatë shoqërimit nuk iu dha një arsye konkrete nga efektivët, dhe se se policia iu referua në mënyrë të përgjithshme ligjit.
“Nuk thanë asgjë. ‘Pse ke dalë, ligji ky e ligji ai’, siç janë akuzat që policia përdor për të shantazhuar protestuesit. Nuk u ushtrua presion”, deklaroi ai.
