Një episod i pazakontë është regjistruar në përfundim të seancës plenare në Kuvend, lidhur me marrëveshjen e huasë me Shtetet e Bashkuara për pajisjet ushtarake.
Në vend që dokumenti t’u vihej në dispozicion deputetëve, atyre u është kërkuar ta lexojnë së bashku në një sallë me kapacitet për vetëm 15 persona.
Situata ka prodhuar edhe një moment pikant, pasi kreu i Partisë “Mundësia”, Agron Shehaj, ka mundur të marrë kopjen e vetme të dokumentit dhe është larguar me vrap nga ambientet e Kuvendit. Pas tij është vënë një punonjëse e Kuvendit, e cila dëgjohet t’i thotë: “O zotëri, të lutem…”.
