Një aksident rrugor është shënuar në Qafën e Koshovicës, në aksin Fier–Levan, ku është përfshirë një autobus i linjës Fier–Ferras, me më shumë se 15 persona në bord.
Nga përplasja ka mbetur e plagosur një grua, e cila udhëtonte në autobus. Ajo ka marrë ndihmën e parë në vendngjarje nga ekipet e ambulancës dhe më pas është transportuar në spital për trajtim mjekësor.
Sipas informacioneve paraprake, dyshohet se aksidenti është shkaktuar nga një parakalim i gabuar i drejtuesit të një automjeti tip Volkswagen, i cili është përplasur me autobusin.
Në vendin e ngjarjes kanë mbërritur shërbimet e policisë, të cilat po kryejnë veprimet për të sqaruar rrethanat e aksidentit dhe për të normalizuar qarkullimin në këtë segment rrugor.
