Rreth 4 milionë punonjës spanjollë morën pjesë në një grevë të përgjithshme, duke protestuar kundër rritjes së çmimeve të banesave dhe vështirësive për të përballuar kostot e strehimit. Pavarësisht motit të keq dhe reshjeve të dendura, mijëra qytetarë dolën në rrugë për të kundërshtuar rritjen e qirave dhe dëbimet nga banesat, vetëm tre javë para zgjedhjeve të parakohshme parlamentare.
Në Madrid, protestuesit marshuan në rrugën kryesore ku disa prej dyqaneve të njohura mbyllën qepenat për shkak të protestave dhe pranisë së shtuar të policisë.
Edhe në Barcelonë, një numër i madh dyqanesh qëndruan të mbyllura, në pritje të zhvillimeve të demonstratave.
Sipas të dhënave të Bankës Qendrore të Spanjës, vendi përballet me një mungesë prej rreth 750 mijë banesash. Për pasojë, çmimet e qirave kanë shënuar rritje të ndjeshme, duke e bërë gjithnjë e më të vështirë për të rinjtë të sigurojnë një banesë të tyren.
Kjo është greva e parë e përgjithshme në Spanjë që prej vitit 2012, kur punonjësit protestuan kundër masave shtrënguese të ndërmarra gjatë krizës së borxhit në Eurozonë.
