Prokuroria e Posaçme ka sekuestruar telefonin e Ermal Gjinajt, bashkëshortit të deputetes socialiste Ogerta Manastirliut.
Sekuestrimi dyshohet se është kryer në kuadër të veprimeve hetimore të SPAK, ndërsa deri më tani nuk ka një njoftim zyrtar që të sqarojë arsyet e marrjes së pajisjes apo çështjen konkrete që po hetohet.
Hetimet drejtohen nga prokurorja e posaçme Dorina Bejko. Mbetet për t’u parë nëse organi i akuzës do të japë detaje të mëtejshme mbi këtë veprim hetimor.
