Protesta e të rinjve vijon këtë të enjte në kryeqytet, ku gjimnazistët dhe studentët kanë bojkotuar mësimin dhe i janë bashkuar marshimit në rrugët e Tiranës, në ditën e tretë të revoltës.
Pas një dite të shoqëruar me përplasje dhe zjarre në disa zona të kryeqytetit, të rinjtë kanë vijuar protestën, duke mbajtur gjallë reagimin kundër qeverisë.
Edhe gjimnazet në rrethe kanë vendosur t’i bashkohen zërit të revoltës studentore. Në Korccë gjimnazistët kanë bojkotuar mësimin dhe kanë marshuar në rrugët e qytetit.
Universiteti i Durrësit po ashtu, bojkotoi mësimin. Studentët bënë thirrje për të dalë jashtë klasave e për të vijuar protestën në mbështetje të revoltës së nisur prej tre ditësh në Tiranë.
