Mediat greke kanë siguruar pamje nga momenti i përplasjes fatale ballë për ballë që ndodhi të premten në mëngjes (7/8) në Rrugën Kombëtare Dramë – Amfipoli, jashtë Paleokomit në Bashkinë e Amfipolit në Serres.
Videoja vjen nga telefoni celular i shoferit të kamionit, i cili në atë kohë e kishte të ndezur regjistrimin video.
Pamjet filmike kapin momentin kur makina, për një arsye që ende nuk dihet, hyn në trafikun që vjen përballë dhe përplaset ballë për ballë me kamionin, duke shkaktuar një tragjedi të patregueshme familjare
Aksidenti ndodhi rreth orës 07:30 të mëngjesit, ku viktimat ishin një grua 43-vjeçare dhe djali i saj 24-vjeçar, shtetas shqiptarë, të cilët kishin qenë banorë të përhershëm të Paleokomit për shumë vite.
Sipas informacioneve, 24-vjeçari po drejtonte makinën me nënën e tij si pasagjere dhe po shkonte drejt Ofrinio-s, ku punonin. Në të njëjtën kohë, kamioni po lëvizte në sensin e kundërt drejt Dramës./CNNgreek
