Një 45-vjeçar i shpallur në kërkim nga autoritetet italiane është arrestuar në qytetin e Shkodrës, pasi ishte dënuar nga drejtësia italiane dhe kishte ende për të vuajtur 5 vite burg.
Në kuadër të një operacioni të zhvilluar nga strukturat e specializuara të Policisë së Shtetit, në bashkëpunim me Interpolin dhe autoritetet italiane, është bërë i mundur arrestimi i Aldo Doçajt.
45-vjeçari u lokalizua nga efektivët e Drejtorisë Operacionale të Posaçme në lagjen “Skënderbeg”, ku edhe u bë ndalimi i tij.
Sipas informacioneve, ndaj Doçajt ishte lëshuar një kërkesë nga autoritetet italiane për arrestimin dhe ekstradimin e tij, me qëllim vuajtjen e pjesës së mbetur të dënimit prej 5 vitesh burg.
Pas arrestimit, ai pritet t’u nënshtrohet procedurave ligjore në Shqipëri, ndërsa më tej do të vijojë procesi për ekstradimin e tij drejt Italisë.







