Shënim: Ky informacion bazohet në materialet e një dosjeje hetimore dhe përmban pretendimet e organit hetimor. Nuk përbën provë të fajësisë dhe personat e përmendur gëzojnë prezumimin e pafajësisë deri në një vendim gjyqësor të formës së prerë.
////
Materialet e administruara në kuadër të hetimit hedhin dyshime mbi një pagesë prej 30 mijë eurosh, e cila sipas interpretimit të organit hetimor lidhet me procesin e licencimit të televizionit “TV ABEG”.
Sipas dokumentit, nga verifikimet në faqen zyrtare të Autoritetit të Mediave Audiovizive (AMA) rezulton se, me vendimin nr. 132, datë 4 dhjetor 2020, u miratua kërkesa e shoqërisë “ABEG” sh.p.k. dhe iu dha licenca për ofrimin e shërbimit të programit audioviziv të përgjithshëm nëpërmjet “TV ABEG” në qarqet e Tiranës dhe Durrësit.
Sipas dokumentit hetimor, më 7 dhjetor 2020, Ardian Zykaj i ka shkruar Alfredo Hamzait se “duhen dhënë edhe 30 të tjera”, ndërsa shprehet: “janë tre anëtarë, dy të PD dhe një i LSI”. Në vijim të komunikimit, Alfredo Hamzai i përgjigjet: “po ik jepja”.
Sipas analizës së përfshirë në dosjen hetimore, këto komunikime interpretohen si tregues se shuma prej 30 mijë eurosh mund të ketë qenë një pagesë e parregullt për anëtarë të Autoritetit të Mediave Audiovizive, në këmbim të miratimit të licencës për shoqërinë “ABEG” sh.p.k. Dokumenti shton se, bazuar në komunikimet e administruara, kjo shumë dyshohet të ketë qenë pagesa ose kësti i dhënë pas marrjes së licencës.
Në dosjen hetimore janë administruar edhe komunikime të atribuuara platformës Sky ECC, ku shfaqen biseda mes përdoruesve me identifikuesit “AIMCSV” dhe “7B9F5E”. Sipas materialit, në një nga komunikimet zhvillohet ky dialog:
• AIMCSV: “Besua me mer. S’më dhe ti jap drejtim.”
• 7B9F5E: “Të shkruaj për pak sa të jem në shtëpi.”
• 7B9F5E: “Mëngjesi derman.”
• 7B9F5E: “Nuk e kuptova sa lek akoma.”
• AIMCSV: “Janë tre anëtarë, dy të PD dhe një i LSI.”
• 7B9F5E: “Sa lek duhet paguar akoma?”
• 7B9F5E: “30 eu??/ infonews
