Presidenti i Serbisë, Aleksandar Vuçiç, do t’i drejtohet publikut sot në orën 18:30, pas vendimit të Dhomave të Specializuara të Kosovës në Hagë për katër ish-krerët e UÇK-së.
Lajmi është bërë i ditur nga agjencia serbe e lajmeve Tanjug, e cila raporton se deklarata e Vuçiçit do të lidhet me aktgjykimet e shpallura ndaj Hashim Thaçit, Kadri Veselit, Jakup Krasniqit dhe Rexhep Selimit.
Gjykata në Hagë dënoi me një total prej 81 vitesh burgim katër ish-udhëheqësit e UÇK-së.
Hashim Thaçi dhe Jakup Krasniqi u dënuan me nga 25 vite burgim, Kadri Veseli me 18 vite, ndërsa Rexhep Selimi me 13 vite.
