Ernis Xhumari, 43 vjeç, humbi jetën pas një aksidenti të ndodhur në vendin e quajtur “Rrethrrotullimi i Plasmasit”, në Lushnje. Xhumari është vëllai i zv.ministres së Mjedisit, Elda Xhumari.
Siç njofton policia, rreth orës 01:45, punonjësit e sallës operative të Komisariatit të Policisë Lushnjë, nëpërmjet kamerave të sigurisë, kanë konstatuar përpara Komisariatit një “Mercedes-Benz” duke kryer manovra të çrregullta.
Drejtuesi Ernis Xhumari ka dalë nga mjeti duke shpërthyer në britma ndaj efektivëve. Patrulla e Përgjithshme është afruar për të verifikuar mjetin dhe arsyen e sjelljes së 43-vjeçarit.
Xhumari sapo ka diktuar patrullën është larguar me shpejtësi dhe pas disa minutash, ka humbur kontrollin mbi mjetin dhe është përplasur me bordurat anësore. Për pasojë, 43-vjeçari ka humbur jetën.
