Gazetari i A2 CNN, Armand Brajmi, është goditur me plumb gome në shpatull, teksa raportonte nga protesta në Bulevardin “Dëshmorët e Kombit” në Tiranë.
Pas incidentit, Brajmi ka bërë të ditur se plumbi e ka prekur në mënyrë tangenciale dhe se, fatmirësisht, gjendja e tij shëndetësore është e mirë.
Ngjarja vjen në një kohë kur protesta e studentëve në kryeqytet ka hyrë në ditën e shtatë radhazi, ndërsa përplasjet dhe tensionet mes protestuesve dhe Policisë së Shtetit vijojnë.
Goditja e gazetarit gjatë raportimit në terren shton shqetësimet për sigurinë e gazetarëve që po pasqyrojnë zhvillimet e protestës.
