Përmirësimi i parametrave të trafikut rrugor dhe ulja e aksidenteve nuk janë vetëm në përgjegjësinë e policisë rrugore. Sektori i qarkullimit në drejtorinë e Policisë së Fierit ka kërkuar edhe ndihmën e institucioneve të tjera që kanë rol në parametrat e sigurisë në rrugë.
Fieri është nga qarqet në vend që në këtë periudhë po përjeton një fluks të lartë të trafikut rrugor shoqëruar kjo edhe me aksidente që kanë sjellë edhe pasoja të rënda për jetën e njerëzve. Një prej këtyre akseve që tashmë është identifikuar si njollë e zezë është ai Levan-Tepelenë.
Këtë fakt e pranon edhe shefi i qarkullimit rrugor në policinë e Fierit i cili kërkon ndihmën edhe të institucioneve të tjera përgjegjëse për sigurinë rrugore.
Përveç sinjalistikës që është kosntatuar nga vetë policia rrugore, banorët përgjatë këtij aksi problematik kanë shqetësim të përditshëm edhe mungesën e mbikalimeve apo nënkalimeve dhe sipas tyre pikërisht në këto nyje hyrje-daljesh në aksin kryesor kanë ndodhur edhe aksidentet e rënda.
Pavarësisht problematikave me sinjalistikën apo elementë të sigurisë në rrugë, shpejtësia e moderuar dhe kujdesi në drejtim të mjetit mund të shmangin aksidentet që sjellin pasoja të rënda deri të parikuperueshme edhe në shëndetin e njerëzve. (A2
