Kandahar (qytet në Afganistan) e ka cilësuar një komentues Tiranën teksa kritikonte kreun e qeverisë për betonizimin që i është bërë kryeqytetit.
Rama, i cili nuk e pranon dot faktin që Tirana sa vjen dhe betonizohet më shumë, ka replikuar duke i thënë qytetarit se në fakt nuk është një Kandahar. Sipas tij, Tirana është kthyer në një qytet evropian.
“Këtë Kandahar e bëra qytet europian, debatit për betonin nuk i hyj hiç, është shterpë. Jo pra jo. Nuk jemi të gjithë njësoj, prandaj më Tiranë nuk është më kandahar dhe Shqipëria nuk është më hic gjëkundi njësoj qysh se unë dhe PS kemi marrë besimin e popullit për ta udhëhequr këtë vend”, tha Rama.
Por sipas shifrave të INSTAT, ndryshe nga ritmi i rritjes së popullsisë në Tiranë, që shënon ulje ngritje të theksuara, ritmi i ndërtesave të reja dhe veçanërisht atyre për banim ka ardhur duke u rritur. Pra, kullat dhe pallatet në Tiranë nuk kanë të sosur.
Në vitin 2021 kur në Tiranë u shtuan vetëm 6030 banorë, por u ndërtuan 1,3 milionë metër katror banesa të reja. Fakt ky, që tregon dukshëm se Tirana është kthyer në një qytet betoni.
