Të shtëna me armë zjarri janë raportuar gjatë një operacioni antidrogë të zhvilluar sot në zonën e Qafështamës.
Sipas të dhënave paraprake, dyshohet se të shtënat janë kryer nga persona që ruanin parcelat e mbjella me lëndë narkotike, ndërsa ende nuk është përcaktuar autorësia e qitjes.
Nga incidenti nuk raportohet për persona të lënduar.
Ekspertët kriminalistikë pritet të kryejnë këqyrjen dhe ekspertizën balistike, për të përcaktuar se nga kush janë kryer të shtënat dhe rrethanat e sakta të ngjarjes.
Operacioni antidrogë vijon në zonë, ndërsa hetimet do të ndihmojnë në zbardhjen e plotë të episodit.
