“Little Albania” është përfshirë në hartën zyrtare të enklavave të emigrantëve në New York, të publikuar nga Bashkia e qytetit.
Kështu “Little Albania” është renditur mes lagjeve që përfaqësojnë komunitete të ndryshme etnike dhe që kanë luajtur një rol të rëndësishëm në historinë dhe identitetin kulturor të metropolit amerikan.
Harta identifikon 30 zona në pesë bashkitë e New York-ut, të njohura për përqendrimin historik të komuniteteve emigrante. Mes tyre është edhe “Little Albania”, e vendosur në Bronx, ku prej dekadash jeton dhe zhvillon aktivitetin e saj një nga komunitetet më të mëdha shqiptare në qytet, shkruan New York Post.
Megjithatë, publikimi i hartës ka nxitur reagime të shumta, pasi në të mungon “Little Italy”, një nga lagjet më ikonike të emigracionit italian në Shtetet e Bashkuara dhe një simbol i rëndësishëm i trashëgimisë historike e kulturore të New York-ut.
Harta e lagjeve të emigrantëve të Qytetit të New York
Përfaqësues të komunitetit italo-amerikan, politikanë lokalë dhe drejtues institucionesh kulturore e kanë cilësuar këtë përjashtim si një gabim të rëndë, duke argumentuar se kontributi i emigrantëve italianë në zhvillimin e qytetit është i pamohueshëm dhe nuk duhet të lihet jashtë një harte që synon të pasqyrojë historinë e komuniteteve të emigrantëve.
“Little Albania”, si pjesë e hartës zyrtare, do të jetë krahas enklavave të tjera të njohura si Koreatoën, Chinatown, Little Ukraine, Little Guyana, Little Pakistan dhe Little Yemen. Bashkia e Neë York-ut ka sqaruar se qëllimi i kësaj harte është të dokumentojë lagjet që janë formuar dhe identifikuar ndër vite nga komunitete të ndryshme emigrantësh.
