Policia e Korçës ka arrestuar ditën e sotme një 50-vjeçar, i cili dyshohet se shpërndante lëndë narkotike të ndarë në doza në zonën e qytetit.
Sipas njoftimit zyrtar, gjatë momentit të kapjes në flagrancë, shtetasit M. M., 50 vjeç, banues në Drenovë, Korçë, iu gjet dhe sekuestrua, në cilësinë e provës materiale, një pako me rreth 104 gramë lëndë narkotike cannabis sativa.
Nga hetimet e kryera rezultoi se 50-vjeçari vepronte në bashkëpunim me shtetasin K. M., alias A. M., 37 vjeç, banues në Korçë.
Ky i fundit është shpallur në kërkim nga policia dhe vijon puna për kapjen e tij.
