Një konflikt mes disa personave u regjistrua mbrëmjen e djeshme në Korçë, ndërsa në pranga kanë përfunduar 2 vëllezër.
Ngjarja ndodhi rreth orës 19:00, pas një konflikti për motive të dobëta mes 4 personave. Gjatë përplasjes, dy prej tyre pësuan dëmtime të lehta në trup dhe morën ndihmën në spitalin e Korçës.
Sipas policisë, gjatë konfliktit dyshohet se është dëmtuar edhe një automjet, të cilit i janë thyer xhamat me një lopatë metalike me bisht druri.
Shkak i sherrit mes komshinjve dyshohet se ka qenë zhurma e fëmijëve.
Pas përfundimit të hetimeve, policia arrestoi në flagrancë dy vëllezër, përkatësisht 32 dhe 28 vjeç për veprat penale “Plagosja e lehtë me dashje”, “Prishja e qetësisë publike”, kryer në bashkëpunim dhe për “Shkatërrimi i pronës”. Materialet procedurale i janë referuar Prokurorisë për veprime të mëtejshme.
