Ish-ministri i Shëndetësisë, Ilir Beqaj, është rikthyer në burgun e Durrësit pas disa ditësh qëndrimi në Qendrën Spitalore Universitare “Nënë Tereza”.
Beqaj, pas stabilizimit të gjendjes shëndetësore, është dërguar sërish në Institucionin e Ekzekutimit të Vendimeve Penale, ku po vuan masën e sigurisë “arrest në burg”.
Beqaj u shtra në shërbimin e Alergologjisë në QSUT, pasi pësoi një alergji akute të shfaqur në lëkurë, e shoqëruar me temperaturë të lartë dhe infeksion. Pas ndërhyrjes mjekësore, gjendja e tij është përmirësuar dhe tashmë ndodhet nën kujdesin e mjekëve të burgut.
