Silvinjo është padyshim trajneri i momentit në Shqipëri. Të gjithë flasin për brazilian dhe historinë e tij të suksesit, teksa është duke e dërguar Kombëtaren në Europianin e Gjermanisë. Por përse Silvinjo ka sukses kaq të madh?
Përveç karikimit, motivimit që ju jep lojtarëve dhe shumë sekreteve të tij, është edhe një model në dukje bazik, por që trajnerët e tjerë nuk e ndiqnin. Silvinjo nuk i thërret lojtarët vetëm në bazë të emrave, por edhe të formës.
Rasti më i mirë për ta dëshmuar është ai i Anis Mehmetit. Ky i fundit po shkëlqente në fillim te Bristoli në Championship dhe Silvinjo e grumbulloi te Shqipëria. Në momentin që Mehmeti u ul në stol dhe nuk kishte asnjë minutë me Bristolin, pavarësisht se ka potencial të jashtëzakonshëm, ftesa nuk mbërriti më për të. Kjo tregon shumë për mënyrën sesi Silvinjo procedon te Shqipëria.
