Një pushues ka humbur jetën këtë të hënë në plazhin e Divjakës. Bëhet fjalë për shtetasin Vangjel Thomi, 70 Vjeç banues në qytetin e Lushnjes.
Sipas policisë dyshohet se i ndjeri ka pësuar arrest kardiak, megjithatë autopsia pritet të përcaktojë shkakun e saktë.
Njoftimi i Policisë
Rreth orës 11:30, në plazhin e Divjakës, ka humbur jetën duke notuar në det, shtetasi V. Th., 70 vjeç, banues në Lushnjë.
Grupi hetimor dhe eksperti mjekoligjor po punojnë për përcaktimin e shkakut të vdekjes, ku paraprakisht dyshohet për arrest kardiak. Vijon puna për sqarimin e plotë të rrethanave të rastit.
