Një automjet ka shpërthyer në flakë në tunelin Elbasan-Tiranë pasi gjatë lëvizjes ka goditur nga mbrapa një kamion.
Mjeti është djegur pjesërisht ndërsa drejtuesi i tij dhe dy pasagjerët janë dërguar në spital.
“Në aksin rrugor “Elbasan-Tiranë”, në tunel, automjeti me drejtues shtetasin E. S., 76 vjeç, në lëvizje, ka goditur nga mbrapa kamionin me drejtues shtetasin D. L., 52 vjeç, dhe për pasojë automjeti me drejtues shtetasin E. S., ka marrë flakë dhe është djegur pjesërisht.
Nga përplasja, kanë shkuar në spitalin e Elbasanit për të kryer ekzaminime mjekësore drejtuesi i automjetit shtetasi E. S. dhe 2 pasagjerë që udhëtonin me të.
Grupi hetimor po punon për përcaktimin e rrethanave të aksidentit dhe dokumentimin me prova ligjore të rastit”, njofton policia.
