Partia Demokratike ka reaguar pas raportimeve për një qëndrim të ri të Departamentit Amerikan të Shtetit (DASH) në lidhje me liderin e saj, Sali Berisha.
Në një deklaratë për mediat, PD e cilëson këtë qëndrim si një “kthim te legalitetit”, pas një periudhe të gjatë që sipas saj ka qenë e ndikuar nga administrata Biden dhe lobimi i George Soros dhe kryeministrit Edi Rama.
“Drejtësia ka vonuar, por është vendosur falë administratës së Presidentit Trump”, thuhet në deklaratën zyrtare të PD-së.
Sipas PD-së, nuk është thjesht fjala për të drejtën e Sali Berishës për të udhëtuar, por për betejën e opozitës për të mos u emëruar nga pushteti.
“Nuk është liria për të udhëtuar e Sali Berishës, që është penguar këto vite, por është liria e popullit shqiptar për të zgjedhur udhëheqësit e vet”, thekson deklarata.
“Përshëndesim qëndrimin e Departamentit të Shtetit. Nuk ka qenë beteje per lirine e Sali Berishës për të udhëtuar, por lufta e tij dhe demokratëve per te drejten e shqiptareve që opozitën të mos e emërojë pushteti.”
Partia Demokratike vlerëson dhe përshëndet qëndrimin e Departamentit të Shtetit, të bërë publik nga media amerikane, si të drejtë dhe kthim të legalitetit, të marrë peng nga administrata Biden me lobimin e George Soros dhe Edi Ramës.
E drejta ka vonuar, por është vënë në vend, falë administratës së Presidentit Trump, fitorja e të cilit i ka shërbyer botës së lirë, me mesazhin e fortë dhe të drejtë, që u përsërit edhe në fjalën e zv. Presidentit Vance në Mynih.
Partia Demokratike, në emër të kryetarit të saj, Sali Berisha, të 26 partive të koalicionit, dhe të demokratëve, që mbajtën barrën e qëndresës, falenderon Deparatamentin e Shtetit për qëndrimin e drejte dhe parimor!
Nuk është liria për të udhëtuar e Sali Berishës, që është penguar këto vite, por është liria e popullit shqiptar për të zgjedhur udhëheqësit e vet, dhe për të pasur një opozitë që nuk e emëron pushteti.
Amerika nuk është e panjohur me këtë skenar, siç e ka dëshmuar katër vitet e fundit në gjuetinë e shtrigave kundër Presidentit Trump.
Sekretari i Shtetit, Republikani James Baker, e pat thënë, në Sheshin “Skënderbej”, 34 vite më pare: “liria funksionon”.
Ajo funksionoi edhe sot.“
