Dy shtetas shqiptarë janë arrestuar në Bergamo nga autoritetet italiane, pas një operacioni të Guardia di Finanza, ku u sekuestruan mbi 160 kilogramë kokainë e pastër.
Droga ishte e fshehur në një kamion dhe e paketuar në rreth 150 pako. Sipas autoriteteve italiane, vlera e lëndës narkotike në tregun e zi llogaritet deri në 20 milionë euro.
Operacioni u zhvillua në kuadër të një aksioni të gjerë kontrolli të koordinuar nga Njësia e Policisë Ekonomike dhe Financiare e Brescia, i fokusuar në zonat industriale dhe tregtare të provincave Bergamo dhe Brescia, të konsideruara me rrezik të lartë për aktivitet kriminal.
Sipas hetuesve, ndërhyrja u bë pasi u vunë re lëvizje të dyshimta të një kamioni të parkuar.
