Dy të mitur kanë përfunduar në spital të plagosur me thikë. Ngjarja ka ndodhur në Shkodër, në afër të stadiumit “Loro Boriçi”. Gazetari Senad Nikshiqi bën me dije për BalkanWeb se të miturit, më konkretisht të moshave 13 dhe 15 vjeç janë dërguar në spitalin rajonal të Shkodrës dhe se janë jashtë rrezikut për jetën.
Policia ka ndaluar autorin e ngjarjes, një 14-vjeçar, ndërsa nga informacionet paraprake dyshohet se ka nisur si grindje e çastit në rrugë.
Rreth orës 18:15, në vendin e quajtur “Stadiumi“, gjatë një konflikti të çastit dyshohet se shtetasi E. F 14 vjeç ka dëmtuar me mjet të mprehtë ( thikë) dy të mitur 13 e 15 vjeç, të cilët janë dërguar në spital dhe po marrin ndihmën mjekësore jashtë rrezikut për jetën.
FOTO NGA VENDNGJARJA
Shërbimet e Policisë shkuan menjëherë në vendngjarje dhe pas disa minutash kontrolli në zonë bënë të mundur kapjen e autorit të dyshuar shtetasit E. K., rreth 14 vjeç.
Shtetasi E. K po shoqërohet në ambientet e Drejtorisë Vendore të Policisë dhe do kryhen veprime procedurali në prani të psikologut dhe familjarëve nën drejtimin e Prokurorit.
Grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes.
