Avokati i italianes, e cila mbeti e plagosur nga një plumb qorr në Shqipëri, ka kërkuar ndihmën e bashkëkombasve të saj.
Vito Leonardo Candeloro kërkon ndihmë financiare për dërgimin e italianes nga Tirana për në Bari për të kryer ndërhyrjen e nevojshme kirurgjike.
Italiania kishte ardhur për të festuar në Shqipëri, por u plagos nga një plumb qorr në një nga rrugët kryesore të vendit.
Plumbi e ka goditur në vesh dhe fyt.
Ajo është jashtë rrezikut për jetën, por i duhet një operacion, të cilin shqiptarët nuk duan ta realizojnë.
“Plumbi duhet nxjerrë. Por mjekët shqiptarë deklaruan se nuk mund të ndërhyjnë, prandaj është e nevojshme që ajo të dërgohet në Itali,” thotë avokati.
Mjekët shqiptarë nuk kanë lejuar transportin me traget të saj, duke thënë se rreziku është shumë i madh. Sipas tyre, transporti duhet kryer me avion ose helikopter.
Për këtë transport janë të nevojshme 15 mijë euro, prandaj avokati kërkon ndihmë.
