Një shqiptar është ekzekutuar me armë zjarri në Guajakil të Ekuadorit. Viktima është identifikuar si Arjanit Rizaj, 53 vjeç.
Mediat raportojnë se atentati ndaj tij është kryer mbrëmjen e së enjtes, rreth orës 20:30.
Banorët dhe disa shitës të zonë thanë për autoritetet se në drejtim të shqiptarit është qëlluar nga një motoçikletë e bardhë, që drejtohej me dy persona, që u larguan në drejtim të paditur pasi kryen vrasjen.
Sipas informacioneve paraprake nga Policia Kombëtare, ata kanë përdorur një armë zjarri të kalibrit 9 milimetra.
Bashkëshortja e 53-vjeçarit të ndjere ka deklaruar për hetuesit se ajo e pa skenën nga shumë pranë.
Ajo u tha oficerëve se nuk e dinte motivin e sulmit ndaj bashkëshortit. Sipas saj, Rizaj nuk punonte pasi nuk kishte dokumente të vlefshme në Ekuador, prandaj mbijetonte me paratë që i dërgonte nga Shqipëria familja e tij, ose vëllai i tij që banonte në Kanada.
