Bledar Spahiu, babai i 3-vjeçarit, Brian Spahiu që ndërroi jetë vitin e kaluar pas ndërhyrjes në një klinikë private (të Roland Xhaxhos) kundërshton ekspertizën e huaj.
Familjarët deklarojnë se prokurorja Alma Felaj u ka thënë se ka kërkuar ekspertë të huaj për ekspertizën mjeko-ligjore. Ministria deklaron se nuk ka dijeni dhe asnjë shkresë.
Mjekësia Ligjore, sipas familjarëve e bëri të qartë në ekspertizë se shkaku i vdekjes ka rezultuar narkoza, mbidozë, që i është dhënë 3-vjeçarit tek klinika private e Xhaxhos.
Për këtë arsye familja i ka çuar një letër prokurorisë dhe ministrisë së Drejtësisë ku kërkon që të ndalohet ekspertiza e huaj.
