Lulzim Basha, kryetar i asaj që njihet si PD zyrtare apo e vulës, u shpreh gjatë një konference për mediat, se SPAK është e vetmja hallkë që po funksionon, por njëkohësisht edhe po sulmohet. Basha tha se sulmet ndaj SPAK dirigjohen nga Qeveria, ndërsa theksoi se duhet bërë gjithçka për të forcuar demokracinë dhe shtetin ligjor.
“Duhet bërë gjithçka për të forcuar demokracinë dhe shtetin ligjor. SPAK është e vetmja hallkë që funksionon, por sulmohet nga qeveria. Qeveria ka refuzuar të hedhë poshtë informacionin për përpjekjen për të kontrolluar SPAK-un.
Nëse qeveria nën ankthin e asaj që ka nisur, vënie para drejtësisë të përgjegjësve për korrupsion, ka nisur përpjekjen për kontroll ndaj institucioneve të drejtësisë, do të ndeshen në kundërshtimin e fortë të PD.
PD ka mbështetje pa kushte ndaj SPAK. Kush ka panik nga hetimet e SPAK, Zoti ia shtoftë panikun”, u shpreh Basha.
