Një aksident rrugor është shënuar këtë të hënë në aksin e ri Qukës-Qafë Plloçë, ku dy automjete janë përplasur me njëri-tjetrin.
Në ngjarje janë përfshirë një automjet tip “Skoda”, me targa greke, që drejtohej nga Liman Dapeshi, me origjinë nga Greqia, dhe një automjet tip “Benz”, në drejtimin e Lorenc Denasit.
Si pasojë e përplasjes, ka mbetur e plagosur Xhire Xhafer Korriku, e cila është transportuar drejt spitalit, ku po merr ndihmën e nevojshme mjekësore.
Deri më tani nuk ka një informacion zyrtar mbi shkaqet dhe rrethanat e aksidentit. Autoritetet pritet të kryejnë veprimet përkatëse për të zbardhur dinamikën e plotë të ngjarjes.
