Është publikuar fotoja me të cilën u largua autori i vrasjes së Elton Javorit. Vrasja ndodhi rreth orës 11:00 të ditës së sotme në lagjen ‘16 prilli’ në Fier.
Makina është tip benz “E Class coupe’ me targa shqiptare e prodhimit pas vitit 2011 me ngjyrë të errët. Vlera në treg e kësaj makine është 12-15 mijë euro.
Policia thotë se autori është 35-vjeçari Agim Gashi, dhe po punon për arrestimin e tij.
41-vjeçari i ekzekutuar ditën e sotme Elton Javori është nipi i Demir Backës.
Kujtojmë se Demir Backa u vra në një atentat më 23 Tetor të 2021-it pranë një qendre tregtare në Fier.
Backa është vëllai i një ish-anëtari të bandës së Fierit i vrarë në 1997, Medi Backa.
Ky i fundit u vra në masakrën e Levanit bashkë me 23 persona të tjerë.
