Ish drejtuesja e SHISH, Vlora Hyseni është përplasur me gazetaren e News 24, Klodiana Lala, teksa mbërriti në GJKKO për masën e sigurisë.
Teksa i Lala i drejtonte pyetjen, Hyseni iu përgjigj gazetares me akuzën e fortë se është takuar me agjentë serbë në hotel.
“Klodi, si kalon ti në takime me agjentët serbë në dhomat e hotelit Rogner”, tha Hyseni.
Gazetarja Klodiana Lala ka reaguar duke thënë se përbuz me neveri akuzat që ish drejtuesja e SHISH, Vlora Hyseni i bëri duke i thënë se “është takuar me agjentë serbë”.
Në një komunikim për News24, gazetarja Lala i ka cilësuar akuzat e Hysenit si një përpjekje për ta frikësuar dhe kërcënuar për shkak të punës së saj si gazetare.
Ajo shtoi se do ti drejtohet prokurorisë së posaçme me një kallëzim penal.
Akuzën e rëndë, Hyseni e bëri teksa po hynte në ambientet e GJKKO.
Burimet bëjnë me dije se makina me të cilën erdhi Hyseni, me targën SRB KS 156 ZD e llojit BMW, i përket targave serbe.
Ndërkohë Hyseni ishte shkarkuar nga detyra në Kosovë gjatë kohës së Albin Kurtit, ndërsa më pas u emërua në krye të SHISH në Shqipëri. Të njëjtat raportime paraqesin akuza politike për lidhje me Beogradin. Të gjitha këto fakte ngrejnë pikëpyetjen e madhe nëse vetë Vlora Hyseni mund të jetë agjente serbe dhe mundohet t’ja faturojë të tjerëve fajin.
