Protesta e zhvilluar këtë të enjte në Tiranë është shoqëruar me tensione, ndërsa situata është përshkallëzuar në disa prej pikave ku janë mbledhur protestuesit.
Në afërsi të selisë së Partisë Demokratike, disa protestues kanë rrëzuar kazanët e mbeturinave në rrugë, në shenjë revolte.
Ndërkohë, teksa protesta vijonte jashtë godinës së Kuvendit, deputetët ndodheshin brenda sallës duke zhvilluar seancën plenare.
Sipas raportimeve, deri tani 4 persona janë shoqëruar në polici. Mes tyre raportohet edhe aktivisti Ani Marku, i njohur për pjesëmarrjen e tij në protestat e opozitës dhe për pankartat që ka përdorur gjatë tubimeve.
Situata është shoqëruar me përplasje mes protestuesve dhe efektivëve të policisë, ndërsa pas tensioneve grupet e protestuesve janë shpërndarë në disa pika të ndryshme të Tiranës.
